聖誕小禮物!

星期日食完個早餐就開工！
開工整餅！兩款聖誕曲奇！薑餅人和朱古力咖啡味曲奇！

之前已經買左Ｄ曲奇模，任君選擇！

可是......今次慘喇！個薑餅人模好難脫呀！
因為佢隻手位太幼喇！所以花左好多時間！
焗之前個邊位都好Sharp架！點知焗後邊位唔夠Sharp了！

唔知係咪加左泡打粉呢?

另外又整了朱古力咖啡味曲奇！

花左太多時間脫模了，所以用下另外既餅模試下先！

今次焗前焗後個邊都夠Sharp！

於是又整番多幾個餅人模先！

最後整左半日，好倦呀！連午餐都無食呀！
不過唔覺肚餓喎！因為我試食左嘛！結果係唔夠味！好在夠鬆花脆口！

原本休息左一陣就繼續開始幫曲奇畫樣的，可惜發生了一些不快既事！

無哂心機整，想放棄就敢算了唔畫喇！
可是應承左同事帶番去比佢食！

最後九點半再開工，整到十二點半，完成了三份二！


第一批加上白色糖霜!

之後再加紅色糖霜!

搞掂!

第二批再黎過!

仲有星星和花花添!

呢批係朱古力咖啡味!

仲有限量版得兩隻既企鵝, 海龜, 海豚.....給自己和小吉的!

洗埋用具，沖埋涼，一點半先落床訓！


星期一晚再畫埋朱古力咖啡味曲奇！

我鍾意朱古力咖啡味多d!

好可愛敢喎!

包好一包包，送給我的家人做聖誕小禮物！

今次薑餅人比較甜左d, 可能係餅面既糖霜!
所以第二既整咖啡糖霜, 加番重d咖啡就好d喇!
曲奇雖然唔係好好味，唯有誠意搭夠啦！