小休在澳門 (Day1 早)

趁著生日來個小休在澳門先！

可能暑假關係，好多酒店都幾貴！
星期六問左價，星期四去買package時突然又加左三百蚊，真係好浮動呀！
想訂果間又話無房，最後決定平住酒店，平日都要千幾呀！

落船後我地就先去通訊博物館參觀，
睇下以前至現在通訊既改變
沿著海旁行15-20分鐘左右就到喇！天色好好呀！

望番後面海水立方，原來係賭場黎架！真大娘呀！

入博物館先比入場費，好似十蚊！
我地好似包左場敢，無遊客呀！之後就多d喇!
有時一大班學生會黎參觀的

除左地下, 分兩層參觀，一出電梯就係廣播區，
呢個視訊遊戲好似電視台報告天氣敢，又可以揀不同地方。

最後可以張 "有玩樂就有發現" 既咭DO一下，就可以print出黎留念架喇！
有五個遊戲都係用呢張咭玩架！

傳輸區，有衛星天線即時幫你選出收看既幾個頻道。

呢個係拋物面天線可以傳輸訊號架！ 偷聽到有人對話添！

光纖傳輸

之後又睇下以前電話至現在既改變，交流同直撥既電話，
仲有教你打波斯密碼添！

有職員帶領住玩靜電球
小吉玩時都唔覺得好勁！我玩時Ｄ頭髮飛起哂！好搞鬼！

我地又落到一樓玩模擬飛行，又係要用張咭架！

開始時小吉都可以起到機，之後以為佢花色表演添！
整隻機向右90度打直左，之後掉埋落海添！

又有迷你影院，不過好似無乜野睇！

我地又郵政天地Print postcard喇！
可按不同既背景圖案，之後就可以print出黎！

最後就去郵票天地整郵票，自由配搭之後print出，再打埋郵票孔可作紀念！
未打孔前

打孔後

哈哈！估唔到有咁多紀念品喎！

參觀後就行回碼頭搭酒店車回酒店了！

想知更多通訊博物館就入去睇睇啦！


小休在澳門 (Day1午)