再戰海下浮潛+獨木舟(二)

終於成功出征喇!

今次除左我同小吉外仲有小雲小吉，三人行去海下玩獨木舟加浮潛。
今次西貢無上次七一咁人山人海了，星期六班次唔多，半個鐘一班。
但千其唔好佢開車時間先來，因為師機坐夠人就走。
我地原本諗住搭0855的，但我地走左去七仔買瑞士雞脾，
所以走左一班車，好在十點前都到海下。

到左海下，我地到雲記租艇，locker連沖身。
單人獨木舟$100，雙人獨木舟$150，雙人新艇$250（闊身Ｄ）。
Mask & snorkel $30。
出發前叫老細去我地影番張相先

準備就緒我地就出發喇！
扒左一陣有少少倦，原來我地無做熱身，哈哈！即刻鬆下手先！

之後扒下抖下就到左第二區既珊瑚區。

我地都倦了，所以就從淺水位落水玩浮潛先。

有勁多海刺，海參，魚仔，軟珊瑚等等。
比起上次七一海下浮潛日碼頭位多野睇d

左邊係軟珊瑚

郁下郁下， 好靚呀！

海膽

海刺

之後我地就浮游去沙灘休息，食番隻雞脾頂下肚先！

食飽後就在沙灘邊有好多海星，真係小心踩倒佢地呀！

佢地自己識得番身架！好搞笑！

之後我地在沙灘對出潛左陣
嘩！食隻獨木舟被放在水底，比Ｄ魚仔有個好地方
仲有識郁既扇貝，青口，好似一盤海鮮拼盤一樣！哈哈！

休息完玩完，我地就扒獨木舟去第三區既珊瑚區喇！
嘩！天呀！太清太靚喇！坐在艇度都睇得見底！
我地急不及待落水了。小心小心踩倒珊瑚和海刺呀！
興奮之餘有些失望，個相機無電呀！另一舊電在背包度，激死呀！
無計啦！大家就記在腦中啦！大家就周圍睇野喇！

呢度比其他兩個區的多野睇好多！

唯一影到呢一張，之後就無電了！
好想知呢樣係乜黎架呢? 佢黏左好多貝殼之類既野上身架！

睇左好耐又休息完，三點幾我地就回程了。

水退了好多，我地就在沙灘玩多陣。
小吉即刻回去換電，我地先可以再影相咋！
好靚既藍天呀！我地做左人地既毛豆添！

我試下扒小雲小吉隻單人艇，好輕身，扒得快去得快！

小雲小吉就試下扒呢隻雙人艇，比較要用力，勝在艇身闊，艇尾可以放野。

開開心心過了一整天

下次一定帶埋電出去，唔好再留在locker喇！

繼續海下浮潛+獨木舟(三)