好忙既星期天

星期六我就要準備星期日既生日蛋糕和食物，
因為係我哥和佢個仔既生日派對。




           
星期六我同小吉就整定Ｄ小食, 下午整泰式鳳爪
本來想去骨的，但最後都係放棄左！
雪定一晚，希望入味Ｄ啦！

因為OnOn想食芒果蛋糕

可是行遍屋企附近既街市和超市，都買唔到靚芒果！
又身水身汗，真係熱死！

心想放棄！改整另一種味既蛋糕，點知阿媽幫我買左三個呂宋芒回來。

其實果檔我都睇過，不過Ｄ芒果唔香，所以無買者！

現在既然買左就照整芒果蛋糕啦！




           
晚上整椰汁西米糕，先準備好Ｄ班蘭葉

剪好大小去摺成一個小盒

西米加左Ｄ班蘭葉煮，好香！

先在盒上放入西米，之後再加埋椰汁，放入雪櫃搞掂！

食前加左粒紅莓影相靚d

看似簡單，但都搞左好耐，十點了！


唔夠時間整蛋糕添！只好整左個芒果啫喱餡先！


           
星期日早上七點起身後又開始整蛋糕喇！
因為要預番Ｄ時間雪架嘛！


整好預備既食物輕鬆哂！
可惜！今晚我哥和家姐既工人都放左假，晚餐只好由我和青蛙家姐搞掂啦！
  


           
今餐好多野食都事前準備好或凍食，秘制牛肋骨好入味又唔UN！

凍食除左有泰式鳳爪，冷烏冬，仲有即整士多啤梨沙律

勁大粒又甜既士多啤梨

阿嫂同仔仔整既壽司

外賣Pizza, 加小食拼盤, 薯蓉

開爐煮的只係三樣野者！我炸既日本生蠔, 成功！

可怕既椒鹽三文魚頭

媽子炒米粉

最慘的係食完之後要洗野！
       
洗左一半，家姐就叫我準備甜品，佢就幫我繼續洗，哈哈！正！


甜品除左有椰汁西米糕，小朋友既藥水泡冰！

加Ｄ可樂就叫可樂泡冰喎！

媽媽既冰凍蜜梨雪耳糖水

當然唔小得既生日蛋糕啦！


           
芒果芝士餅

因為芒果有些酸, 所以加左d芒果Jelly就好d喇！

食完又要再洗！洗！洗！