我在獅子山上

星期日小雲小吉又出動了，今次二人周圍行行上獅子山既頭山呀！
向獅子頭出發！獅子山在我腳下！嘩哈哈哈哈！

早餐後我地再去買些食量，今次買唔到滷水雞翼添！
我地搭地鐵到黃大仙站下車，再轉搭18號小巴到法藏寺。
我地呢Ｄ懶人就在法藏寺作起步點，因為在地鐵行上去都好金架！
不過大家可以試下既！

在法藏寺起步，沿斜路直上，小心後面不時有車上的。
之後就到達觀音佛堂。

觀音佛堂之後獅子亭，另一邊係半島獅子園，不需入內。
沿斜路繼續上便見恆Ｘ士多，有小食和豆腐花之類。

我地無食到，去了隔離的公廁後就落回獅子山郊野公園門口。

在獅子山郊野公園入口做左陣熱身，便開始上山之路。

經過長長的樓梯，見到呢塊好似兔仔既大石。

行了不久開始回落了，都好輕鬆！

見到指示牌，我地不要去沙田坳村方向行, 選擇筆架山方向。

小吉好貪玩呢！
終於見到獅子山頂的指示牌，我地在此休息左一陣食下野。
是日午餐有花枝魚蛋，叉燒和蘋果綠茶！

為左上四百幾級樓梯前放輕Ｄ，我地都食小小先。
有一家三口在此開餐就被馬騮搶野食，所以大家食野時都要小心呀！

我地又再開始行上獅子山山頂喇！努力！努力！

長長的樓梯，行下影下，不經不覺已經三百級了。

到了山頂有危險警告牌！

到了山頂495米高！Yeah！到左獅尾！

除左人到，馬騮一樣跟到呀！呢度Ｄ馬騮唔怕你架！
有個人準備拿麵包出來食，有隻馬騮已經望到實喇！
好在我地就即刻通知果個人咋！否則真係無啖好食了！

不要回落樓梯，向前行便見到路向獅背出發的路。

到了山頂495米高！若果天氣好Ｄ少霧Ｄ，視野就更好了！

睇片
呢度係獅背位置，我地都不在此開餐了，影相過後繼續向獅背出發。
先落後上，沿途都要小心呀！慢慢行安全至上！
落到開揚位，又有好靚既景色，一定要影番幾張相仔啦！

真係有種大地在我腳下既感覺，好正！

落完又再上，慢慢行安全至上！
途中有些地方有繩輔助，小心些不是太難的。

回望我地剛剛就好似人地敢樣落完又上喇！
到了獅背位，小吉沖上去要我幫佢影先！

以為到，其實只係到獅背咋！
在獅背影番個前面，仲有一個獅頭要去呀！

向後面既獅頭出發！

一定要影番幾張相仔先！

見到不少爬山者係度爬山，真係替佢地心驚呀！

我地就係敢樣手腳並用上獅頭架喇！

真係好大對比呀！
左面爬山者！右面警告牌！

呢兩位就係爬上黎果兩個外國人！

回望番獅背！

我地又到啦！我在獅頭上呀！嘩哈哈哈哈！真係360度靚景呀！
睇片
     

我地就在此食埋我地既午餐喇！
有一家人在此玩紙飛機添！佢地仲睇準風向先飛飛機出去，
受風後，飛機又識轉灣飛回，不過梗係接唔到啦！
同人吹下水，我地休息左好耐呀！都唔捨得落山！

最後沿上黎既大石落番去，之後就沿隔離既小路落山。
途中有些地方有繩輔助，小心些不是太難的。
小吉呢張相似上山多Ｄ喎！

左邊果張好靚靚既獅子頭！左邊果張！嘩！人頭呀！

到了開揚位置回頭一望，嘩！好靚靚既獅子頭呀！

Wow！           So Great！

之後繼續落山就途經一個風雨亭，有兩位人兄好休閒地休息中。
我地無停下休息呀！行多一陣就到回歸亭了。

到了回歸亭我地在此相遇太子威，型姐和另一個blog友M&M，
真係有緣喇！哈哈哈哈！

實則因為太子威太肚餓，想食我地帶去既叉燒，
所以我地就在此Support him喇！

原本我地既行程係去埋望夫石，終點在紅梅谷燒烤場。
但見太子威在此等左我地十幾分鐘，
我就放棄原先行程，同佢地一齊上路了！

待續.....