攞苦黎辛之旅

點解叫攞苦黎辛之旅? 事關剛剛出營, 又去行山了!
仲要揹住咁重既袋, 好似訓練一樣, 你話係咪攞苦黎辛呢!

今次係逆走衛奕信徑第二段, 鰂魚涌至陽明山莊
兩點左右太子威, 型姐, 小雲, 小吉會合埋小雲小吉開始攞苦黎辛之旅

我地在鰂魚涌地鐵站起行去基利路出發, 大家一袋二袋,
點解型姐個袋咁小既?

初段大家輕鬆地行, 大都是石砌小徑和梯級

多的是石級, 沿途都有植物介紹, 不過無乜點睇!

經過康柏橋不久，就有很多戰時留下來的爐灶, 現在都變成花盆??

離開了樹木研習徑, 記得睇清楚路,
因為我地行錯了路, 去左燒烤埸果邊.,
好彩發現得早, 就當行去果邊方便一下啦!

留意右邊
沿樓梯上呢度有個亭, 路就在亭後面, 之後又開始不斷上!

開揚既景色

全是石級, 好安全, 不過好倦!

依家先叫做熱身咋!

向小馬山橋方向走! 有番d風涼快d! 不是太倦, 行多陣先午餐!
不停上好似無盡頭一樣!

到小馬山橋休息了一陣, 因為要應付呢段艱辛既梯級路

真係金喇! 唔好睇小佢呀! 我覺得都幾辛苦架!

行極都唔完既? 行到高d先有風, 又抖下先!

終於行過了小馬山, 大家都要開餐休息下先,
我地一邊食野, 一邊睇住太陽準備下山

食飽後又上路了, 離開小馬山向黃泥涌道進發，難得有泥路!

望見大潭水塘, 不過幾大霧!

唔係化? 又上? 以為過了小馬山就唔駛再上山添!
太子威帶住型姐和小雲小吉一馬當先
我同小吉影完上即係趕上, 跑左兩段梯級無氣了, 都係慢慢行番!

繞過畢拿山, 再經過石礦場,証不斷上石級

五點半終於了到了渣甸山433M

之後易就不斷落山了, 六點左右到達陽明山莊,
結束呢次梯級徑攞苦黎辛之旅!
卜