型人廚房

星期日難得小吉放假，諗住同佢去踩單車，
點知天文台話會有雨，我地只好取消啦！
不過，我地轉移左去型姐屋企整野食。
之前仲睇埋戲 "極度冰慌"，正！

各人準備整一樣野，五點幾開始準備大家既晚餐喇！
究竟整乜呢？先睇下材料估下啦！

七點幾開餐了......Yeah！

我整左Omega 3雜肉冷盤片，加蘋果，青瓜和生菜，再用米紙卷起。
雖然好簡單，但都好花時間卷架！

小吉整釀雞翼，自己係度幫雞翼去骨，佢既強項好叻呀！
我就幫佢諗到釀出前一丁，雖然好似怪Ｄ，但有創意嘛！哈哈哈哈！
結果，雖然一邊濃左Ｄ，但一丁雞翼又真係幾好喎！

型姐和太子威就整左，蜆肉意粉配忌廉磨菇汁。
原本係想整蜆的，但比街市老闆呃左，其實係花甲黎既！
不過都好，多肉Ｄ嘛！正！
太子威幫每隻花甲洗白白，食得安心！好放心！

芝士蒜茸菠菜釀大磨菇
蒜茸菠菜預先炒好，之後放在大磨菇上，再加上芝士就可以焗喇！
趁熱食好味呀！正！

今次一人整一樣，少少地清得哂！正！