浪漫既生日夜

難得小吉就到今日放假, 梗係要用盡佢啦!
先黎個K-Lunch開腔先, 好耐無唱喇!

永遠No.1既石頭飯, 熱烘烘唔會凍!
又食又唱兩個半鐘, 一百蚊有找! 抵啦!

因為小吉book左赤柱美利樓內既King Ludwig Beerhall晚餐,
所以下午就到赤柱周圍行下先.
廣場內既商店都無乜特別, 比遊人買紀念品啦!

穿梭小巷發現好特別既門口

郵政局

隔離就係舊警局改建成惠康

內面有些舊有既wall同石地仲保留架!

買番罐coke消下暑先

休休閒, 行下坐下影下相!

幾爽!

小吉等左好耐, 今日終於可以試下呢間德國菜喇!

雖然小吉訂左七點, 但見有好多人六點幾就入了, 無乜露台位喇!
我地四十五分已經入去了.
果然只得我地見到果兩張, 訂左都無乜用.
我地坐左一張高枱, 好彩發現原來好過坐下面,
高人一d, 唔駛仰高頭望海景.

影完未呀! 開餐喇!

先黎兩條粗身既迷你Regensburg Sausage, 伴埋酸酸地既薯仔沙律, 好開胃!

飲杯先! 生日快樂呀!

多謝哂!

再黎Farmrolls農夫包配牛肝醬及香草芝士醬

我鍾意呢隻香草芝士醬 多d

我食左少少牛肝醬, 唔得都係食番香草芝士醬, 但小吉就話都好味!

食包梗係要有湯啦!
Oxtail Broth 牛尾清湯伴雲吞
好清但又有牛味, 仲有d碎肉粒.

賣下廣告先人地推介既Maisel's Weisse,
只係4.8%酒精既小麥啤酒但好似唔覺囉!

叫下面枱既食客幫我地影, 出奇地又幾好喎!
仲影到個漸變既天添!

個天都好哂了! 好快就天黑!

天黑了!

主腳出場, 德國咸豬手

d伴菜好好味, 酸酸地既蘿蔔絲, 薯角就唔夠香口囉!

影左相就比番個waiter幫我地切

真係皮薄又脆口, 肉質又唔乾, 又唔肥, 正!正!正!

仲有醬汁比你自己加, 不過我覺得已經好正, 唔駛加了.

幾滿足!

呢餐樣樣都幾好味, 加埋環境氣氛就更加Very Good啦!

現場有Live歌手, 我地離開時, 個彈琴既男人一邊彈琴, 一邊同我bye添!
真係唔專業呀! 哈哈哈哈!

多謝哂小吉, 和你既禮物!