黃金海岸精彩遊

等左兩個星期出發喇！雖然落雨都唔理喇！照去！
朝早仲落緊大雨加小雷，但有些地方又有太陽喎！所以我地唔理照去喇！

因為小吉朝早七點先放工，夜晚先出黎同我地食飯。
所以今次我地一行五人食飽午餐後就搭巴士入黃金海岸喇！
初時都只係小雨點咋！當落車時就勁大雨，大家唯有急步往去沙灘。
到左沙灘....哈哈哈哈！突然.....太陽伯伯出黎喇！
唔係好曬剛剛好，真開心喇！I'm missing u！
我地搵左個靚位，仲可以睇埋沙灘排球添呀！
會合埋另外兩個新blog友仔，我就開始換衫了。

當拎野去換既時候，發現有個miss call！係小吉？
佢一點幾就打比我了，莫非佢訓唔著？定係掛住我？哈哈！

                    吉：你有冇出到去？
                    我：剛剛到，仲未落水呀！做乜唔訓覺呀？心思思訓唔著呀？
                    吉：我有訓呀！訓左一陣啦！(4個鐘咋喎！) 你果邊有幾多人呀？
                    我：七個囉！家陣個天好正呀！我預備落水喇！
                    吉：敢我依家出黎好嗎？但唔落水了，費是玩一陣就要沖身走人。
                    我：睇你都係心思思邊訓到呢！你自己睇時間入黎啦！

收左線急不及待....沖落水喇！哈哈哈哈！
陽光與海灘呀！游下水玩下沙灘波！爽呀！舒服呀！

玩完一輪上岸休息下先，點知小吉就出現了，懶玩即係懶玩！
雖然佢無落水，但就一齊玩數字球，一齊又跑又叫，人撞人好搞笑！
最後梗係有位運兒得到我地既大懲罰啦！hehe！佢自己都好enjoy呀！

真係多謝太陽伯伯喇！當我地準備離開先落雨，又係好大雨添！
我地等左一陣你上我地既旅遊巴走人。
旅遊巴？係呀！我由澳洲既黃金海岸去到泰國呀！
仲坐埋Amphibious Army Duck遊熱帶雨林添！
Army Duck係一種水陸兩用車！去片！





最後一行八人在客家好棧食晚飯喇！哈哈哈哈！

湯既材料

什菌菜苗

唔知乜野魚煲, 因為我唔食既, 所以 I don't know

生炒骨

10蚊既乳白鴿

梅菜扣肉, 第一次食左一件, 都幾入味!

炸蝦球, 一般

楊枝金露, 杏仁露, 桂花糕, 芒果布甸

多謝提供相片既Mico！