告別碧桂園（二）

第二朝我地訓到十點幾，兩餐打埋一餐上，
我地揀左去食呢間蘭州拉麵喇！

食物都係即叫即整，慢慢食慢慢等！

先黎小食拍黃瓜，好開胃醒神呀！

炒拉麵，唔係乾身既，有Ｄ蕃茄添，味道唔錯！

涼皮，只係青瓜和涼皮伴汁，可惜唔夠凍，涼皮有Ｄ似河粉。

蒜茸炒野山菜，好爽！好似沙巴既薯仔菜！

安西窩貼，上碟賣相好搞野，反轉左，有層白色既薄皮！

紅燒牛肉拉麵，有牛味可惜少左Ｄ，麵就好滑！

豆沙窩餅，又係必食之選！正！留肚都要食兩件，好多豆沙餡架！

食咁多都係$59蚊咋！

多謝光臨！

         

食飽抖一抖，我地搭番shuttle去西苑既水上樂園！

西苑既門口

其實由佢開果時已經話去架喇！點知次次問都話暫停或天冷唔開，
今次我地最後一次黎，佢地就開比我地玩喇！

在外面影番入去先

兩點先夠鐘開門仲有半個鐘，我同型姐去下廁所先，
點知出到黎就見到.....小吉同威少就在公園玩搖搖板？
兩個不知幾開心，你彈下，我彈下！你倆個究竟係乜關係呀？

我同型姐加入戰團，四個癲人係度發癲係敢搖！

小吉幾得戚！

之後我地分開二對二，彈到成個pat pat都彈起呀！

最後仲玩埋千秋同滑梯添！果然大唔透呀！

玩左一陣已經成身汗，可能果個比擋住入唔到風啦！
我地走左入黎抖下飲下水！

         

夠鐘入場喇！
我地租左兩個水泡，每個都只係五蚊，但手快有手慢無，
我地本來想揀個大既，點知比人揀左，得番一個中型一個小型咋！
準備就緒，先黎玩個滑梯啦！
小吉就敢滑係唔夠滑既，加埋個水泡就好滑喇！

點知經佢一滑，個活塞開左，可能佢重過頭啦！
佢吹番之後到我拎黎滑喇！點知都係溜左氣。



最後小吉同型姐就拎去換，話個水泡溜氣啦！
爭議左一輪換唔成，佢地話係我地整爛要賠，我地梗係唔理啦！
結果比多五蚊先換番個細既！太差喇！

好彩都無減我地既興緻，繼續玩。

         
我地玩另一個滑梯，唔駛用水泡的。
唔知點解我同威少都滑唔出黎，只係去到出口位就停左喇！點解呢？





玩完兩個滑梯後我地就游浮流河，條河都好長架！
一路游一路玩一路影，好搞鬼呀！
呢個欄杆腳架唔錯喎！個個影都好靚呀！

我變！我變！我變變變！

又跳！

韻律泳表演

三條死屍

型姐接球呀！

扮憂鬱呀？

游完一轉浮流河，我地就玩下沙灘波啦！

個個都扮哂排球高手敢，做下手勢扮哂野，又打幾下個波先發球，點知出事喇！
威少發功既無影球一打.....一路望住個波.....飄呀飄，打左亭頂上！
以為個波會在後面跌番落黎，點知.....係無既！好慘呀！唔制呀！

呢個時間有個好Cool既救生員行埋黎望兩望，之後轉身走左，
我都知無可能拎到架喇！算吧啦！
點知果個Cool man去左拎把鐵梯黎，之後仲叫埋另一個救生員黎幫手捉住把梯，
佢竟然爬上梯頂後，再徒手掂住小小既亭邊爬了上頂。
         
嘩！真係替佢擔心呀！估唔到有咁熱心既救生員呀！
雖然佢好Cool，但佢幫我地拎番個波後，我地向佢大叫：唔該哂！
佢回報番個微笑比我地，真係難得喇！

四點了，我地準備就緒等玩人造浪，
小吉拉我出去，但型姐同太子威Ｃ都唔出，結果我做左人肉橡根。
左手捉住小水泡＋小吉，右手捉住中水泡＋型姐太子威。
變左五馬分屍呀！

等左好耐人造浪到喇！話有十分鐘喎！點知.....無乜料到，失望！

最後我地玩多次滑梯和滑洞後就走了！

         
玩完水成個人都散哂！呢個時候梗係要搵康寧啦！

一個鐘腳底按摩，一個鐘全身按摩。
人未到，精力旺盛既小吉仲企高影相添！

我地已經攤哂係度喇！

         

搞左兩個鐘，我地又要趕住醫肚喇！我地去左桂園飯店！
第二朝補影番張桂園既日景look先！

因為太遲乜野食都無架喇！其實都只係八點十五分左右咋！

先黎個小食花生

又無鐵板牛肉，又無乳鴿！最後叫左呢Ｄ喇！

得番小煲嚮螺湯，好彩每人有兩碗，啖啖嚮螺肉，湯又甜正呀！

魚腐扒菜膽，菜膽變左油墨菜?

椒鹽豆腐，好香好野味！

炸鯪魚球，外脆內熱，正！

一品香骨，好似金沙骨但係配甜酸薑醋汁，撈飯正呀！

香蔥雞，好味但少肉！

伊麵，非常抵食，只後18蚊！

因為漏單既關係，我地係最後走既食客！

         
又食飽去剪番個靚髮先，係太子威介紹既。

剛好四個員工，一人一個唔哂等。
個個坐係度洗頭，見到Ｄ頭髮拉到高高，好搞笑！忍唔住要影！

我諗Ｄ姐姐仔見我地敢都影，佢地都笑死呀！
小吉等吹頭時，自己整左個新髮型添！嘩！好型呀！

         
剪完靚靚，我地梗係唔放過巧玲啦！
等食時又係度玩呢個筷子筒，好方便！

先黎型姐食凍雙皮奶

雙皮奶好唔好食? 就要問型姐喇！

再黎三個食熱薑撞奶
薑撞奶依然好滑，正！

越夜越多人，當地人都唔少架！

搵完巧玲滿足哂！咁又過左一日喇！