告別碧桂園（一）

七月十一日晚八條腿夜闖碧桂園，開始我地三日兩夜既告別碧桂園之豪玩豪食小旅程！七點三十分，我，型姐和威少坐直真通車由太子出發，七點五十分到達荃灣，小吉就上車回合我們，佢要番工嘛！而我就買定壽司等小吉上車一齊食，因為車程都要三個鐘架！頂住肚先啦！豐富既壽司令小吉再次回味呀！特別係帶子壽司！就連隔離既型姐同太子威都不敢偷望，怕流口水呀！哈哈哈哈！

今次我地經深圳灣口岸過關好少人呀！
十點半左右就到了，第一站就到三桂村既巧玲醫肚。

呢度好夜都好多人，可能大家都肚餓關係，食完哂先記得影相！
哈哈哈哈！

三絲炒烏冬，份量比較少，油左ＤＤ！
腩汁陳村粉，唔夠腩汁，不過Ｄ粉依然好滑！
ＸＯ醬瑤柱炒飯，幾好！一粒粒夠乾身！
豬皮、蘿蔔、魚蛋、牛腩、麵根、豆腐卜
呢個係例牌必食，每樣都係1蚊雞！
大家幻想下啦！

佢地幾娘！

佢地更娘！

最後甜品係鮮奶燉海底椰雪梨

好滿足！成十二點先離開呀！

番到去大家都唔想郁，抖左一陣執下野，沖完涼都兩點半，訓覺了！
再見喇！巧玲！

抖足精神明日去玩去癲黎西苑水上樂園啦!