話說剛剛我食完Lunch離開時發覺好大雨，走都走唔到，我惟有在附近一間惠康行下等雨停啦！點知比我見到一個著白恤衫西褲既男人成日濕哂，就連恤衫都濕到透哂！見佢一邊打電話問人果度有冇風筒，一邊用條粉紅色既毛巾抹頭抹身。原本都覺得佢好慘！但我既好奇心引領我轉左個圈又見到佢，佢居然只係拎住一梳蕉去收銀位，敢條毛巾呢？後來我就在賣生果附近既凍肉位發現了果條毛巾。唔係化！斯文敗類！真係好死賤格！好想鬧爆佢呀！可惜我真係15/16呀！諗左一陣，最後我都係話左比個職員知，但果個賤男走左了。我係咪應該早些話比職員知呢？但心裡又有些15/16！點解做錯野果個就咁光明正大既？我呢Ｄ小市民就驚驚青青呢？無計啦！得我一個，若果有多一個人我一定親手捉拿呢隻男既！我係咪做錯左呢？我應該點做好呢？
乜咁鬼賤架﹗用完就放低，叫人點執喎﹗
回覆刪除[版主回覆06/09/2009 16:43:00]最衰唔識工夫啦！真係想一巴巴打醒佢呀！
咁賤格的人都有, 係咪油站對面間惠康呀!!
回覆刪除[版主回覆06/10/2009 15:31:00]係呀！真係斯文敗類！
真係好賤喎,條毛巾有幾貴呀,用左咪買左佢lor!
回覆刪除[版主回覆06/13/2009 23:26:00]我都係估下佢會唔會咁衰抹完就算, 點知真係....