本來都係一件好事, 可惜包括埋食煙. 當然我話已經掉了, 唔准食.
呢兩日佢既情緒都好波動, 有自己既主意, 大有時脾氣都好大, 我都無佢辨法.
之前帶佢去老人日間物理治療, 去到又話果度唔好! 唔做! 話去針灸又話無用!
我媽話比佢激死, 而我開始人都癲! 心情差! 好想搵d野黎舒緩下!
尋晚就同小吉, 超人在樓下公園又做老泥妹!
原本只係吹下水, 點知超人仲帶埋飛行棋和MP3出黎! 我笑佢係咪離家出走添!
之後去超市買野飲, 仲有生果同鴨腎.
之不過玩玩下又真係可以暫時忘記左d唔開心野! 開心番d! 真係唔該哂!
小吉, 你快d好番啦! 唔係有得睇無得食好慘架!
多0的同好朋友吹下水傾下計舒緩下，個人都會重新上力﹗加油呀﹗
回覆刪除[版主回覆04/06/2009 12:35:00]其實我爸出事後，我都無出街喇！ 時間都用黎睇住佢，和幫輕下我媽咪。 果晚都係在家食完飯，我爸準備訓覺，我先落公園坐下咋！ 不過差不多十二點我番到屋企，佢就剛剛訓醒一覺了。
好好休息下
回覆刪除[版主回覆04/06/2009 22:23:00]我都想有覺好訓! 明日我爸要去針灸, 但佢又唔去, 又火滾. 免得佢心情煩躁, 又走落街行左轉..........唉!
唔好拉到自己條橡筋咁緊, 適當時候都要鬆吓喇, 好彩有小吉陪住你呢!!!
回覆刪除EASTER有幾日假, 揾一日出去行吓山喇...... 吸吓新鮮空氣都好啲嘛!!!
加油呀!!
[版主回覆04/08/2009 16:08:00]因為我唔想只得我爸和媽兩個人在屋企， 所以都會留在家陪佢地。 或者假期帶佢地探下佢兩個孫，佢地會開心Ｄ既！ 小吉近日都病了，腸胃炎呀！ 所以都唔會去邊了。 悶悶地或者整番個蛋糕開心下囉！
小雲,爸爸已經返屋企休養,您地總算可以好好休息一下.您自己都耍放鬆吓 ,唔好太緊張,唔係好易谷病呀! 您可以偷到時間就同小吉去食餐飯行吓,爸爸都唔想見您日日"監視"佢呀!
回覆刪除幫我問候小吉呀 !
[版主回覆04/08/2009 16:15:00]係放鬆左Ｄ喇！ 起碼唔駛我媽去醫院帶飯比佢， 但佢唔想番去針灸呀！真係無佢辦法。 小吉都病左一個星期，腸胃炎呀！ 睇左兩次醫生喇！好左少少又痛番！ 我都想偷到時間出出街，因為我開始有些抑鬱。
今日心情如何呀? 原來小吉腸胃炎..... 點解睇兩次醫生都未掂呀? 醫生有冇講原因? 正常食藥會好番好多喎......
回覆刪除你爸爸唔肯去針灸係因為覺得針咗都冇用? 其實針灸都要時間, 唔係一針就得!!! 我諗佢都悶咗好耐, 係啦, 見吓啲孫仔, 應該會開心d, 可能有心情去針灸喇!!
焗蛋糕? good idea喇, 食就最好, 食甜品人都開心啲!!! action0左未呀?
[版主回覆04/08/2009 17:59:00]尋日睇左醫生，小吉今日又好Ｄ喇！ 可能星期五整蛋糕啦！比Ｄ細路食嘛！ 我要食勁芝士......開心番！
(Empty)
回覆刪除有時假期都要同屋企輪下班, 自己都要出去抖下, 如果唔係, 真係會抑鬱架...
回覆刪除[版主回覆04/11/2009 10:13:00]可以的話就係....佢地都有自己屋企, 又要睇細路功課. 唯一我什麼都沒有, 辛苦都無辦法啦!
你地咁快就開始o係公園捉棋啊 ~ 咁有幾十年捉喎
回覆刪除[版主回覆05/04/2009 11:58:00]點止幾十年呀！由細捉到大啦！ 有時情緒低落，搵番Ｄ童年回憶開心下囉！