嘩！超貴呀！都未試過踩咁貴既單車呀！幾多錢？大家估下幾多錢？
結果梗係唔踩啦！然後我地在大圍搭馬鐵去馬鞍山，(第一次搭，無乜特別)，
因為呢度都有單車租的，價錢都六十蚊，但未有車租住要等，敢都得？
時間都兩點了但六點半就交車，我地都決定唔踩了，於是開始周圍遊！
我地在馬鞍山沿住單車徑行，想睇下沿途有乜風景。
先來一個馬鞍山公園，呢度唔比單車入的，
有好多人都停低單車入公園內去洗手間或買雪條食，唔係好貴，五六蚊左右。
其實呢度都幾大，有些人在草地休息，睇書，人像專業影相，
我同小吉周圍影下相先！
休息下食下麵包後我地又再出發，一直向去烏溪沙方向走，
我地行到一個灘，好多人好努力在找東西，搵乜？
蠔呀！真係有蠔架！佢地在海邊拿左一大盆入來，然後再由另一個人去開蠔，
唔知佢係賣定自己食架呢？又有好多小朋友都在捉蟹，呢度要小心行架！
因為好易被Ｄ石整倒架！之後我地行過隔離另一個灘，少人好多。
小吉又表演喇！跳得幾高！一take過影到！
再遠望小小見到好熱鬧，係烏溪沙了，呢度有ＢＢＱ場，不過好細的。
好多人好努力在找東西，搵乜？蜆呀！真係摸蜆架！
我諗有好多人都在呢度附近住的，因為我聽到佢地話今晚炒大蜆呀！
聽到都正呀！小朋友有得玩，大朋友又有得食，真係開心喇！
行呢條木堤有些驚！仲要我自己行，小吉就老遠幫我影相。
有人黎影結婚相添呀！
最後我地都影完日落先走，今個半天遊都好舒適呀！
其實有時萬無目的敢周圍行都可以好開心呀！
F
回覆刪除