東坪洲環島周圍行

東坪洲以前好多人去過呢度影左好多靚相, 我同小吉又點可以錯過呢?
所以九月廿九日我地去左東坪洲環島一天周圍影, 各自帶備相機影過痛快.
0715 食完點心早餐後先搭車到大學火車站, 出左站後再要行一段路才到馬料水碼頭,
係翠華船黎的, 都要八十蚊來回船費, 幾貴喎!
0900 往東平洲進發。

未到達時已見到海面一扁平長方島嶼, 就係東坪洲喇!

之後又見到洲尾角. 轉左後面就係碼頭了.

1045 才到達王爺角碼頭, 因為有人遲上船, 所以遲左少少開船, 其實大約個半鐘左右.

等泊船

落左船之後好多人都急不及待開始環島遊了, 兩旁都見到獨特既岩石.

我地就睇下地圖, 去下廁所, 搽下太陽油就發現好大既蜘蛛網在指示版側.

你發現d乜呢?

影完比人鬧

1116 我地順時針開始環島行, 途經王爺角, 亞媽灣的宿營士多和媽角嘴, 向更樓石出發.

個灘D水好清, 好多死既珊瑚同貝殼, 經過亞媽咀的石陣, 已經影左不少相了.

媽角嘴

層層疊疊好清既水

小雲小吉都要留念一下

1208 終於來到著名的更樓石, 見到兩塊大石頭小吉即刻話要爬上去影相.

真係好居高臨下既感覺喎!

我都影番張先

一排排既石陣，同岸邊並列，有不少潮漲的海水留在石陣中, 做成小水池.

1227 之後再繼續行遠處已見到洲背/難過水釣魚區, 呢度寫明只可用一條魚絲同一個魚鈎釣魚.
岸邊全部都係片片頁岩, 有個排寫住海岸公園添!

有些書都話你可以在潮退時爬石行過難過水的, 但有一定既難度同危險
我地為免濕身, 只好回走山徑.

沿著石屎小徑, 先經過海螺洞, 直往龍落水走。

龍背般既石岩, 延伸進海裡, 你話似唔似呢?
走不遠就係龍麟咀既海岸, 一塊塊既石片，似唔似龍麟鋪滿灘岸呢?
大海既侵蝕真係好奇妙, 真係奇觀呀!

影完相又開始趕路了, 又餓又口渴, 諗住去到斬頸洲時可以開餐, 點知...
1400 吓? 點解我地只係經過左斬頸洲? 無行到的?
諗左陣唔想行番轉頭, 因為已經兩點了, 怕趕唔到五點搭船走,
我地就遠望左一陣便向洲尾角出發了.

1430 在沿途終於有處地方可以坐下, 我地立即開餐了.
之前沿途已飲左兩支保充體力既飲品, 一半既冰紅茶同蕃茄仔
現在就食午餐芝士漢堡飽加雪梨同蕃茄仔, 勁要保充體力呀!

眼前應該係白獵灣, 因為佢有個版寫住, 神龍再現嘛!

小吉充電後終於拿出個腳架影番幾張合照先, 之前都未用過, 只係各有各影相.

沿住個灘行到左貓公洞, 小吉又差點走漏眼, 好彩我精靈者! 哈哈! 小吉仲爬入去影相添!

你睇我唔到!

最後行到長沙灘, 我地就坐下休息一陣, 食下是日甜品, 仲凍凍地既喳喳.

同最後一支冰紅茶.
聽下歌睇下人地游水好爽呀! 下次帶定泳衣游下先, 因為聽到個人話睇到活珊瑚喎!

好彩日落緊唔係好曬, 慢慢行經大塘灣回去碼頭.

望向碼頭

呢度D石又奇怪D喎! 係方形的, 東坪洲果然係香港絕景之一.

最後爭取影下呢度個日落先, 再見喇! 你等著我回來呀!

一上船大家又搵野食喇! 我地仲有腸仔同墨魚條呀! 仲有半支水! 哈哈!
唔客氣了, 食完訓番陣先.